பாலிமர் டிவிக்கு டாம் ரேட்டிங்கிற்கு வாழ்நாள் தடை!!!

பாலிமர் டிவிக்கு டாம் ( TAM - Television Audience Measurement) எனும் நிறுவனம் திரட்டும் தகவல்கள்தான் ஒரு டிவி சேனல், நேயர்கள் மத்தியில் எந்த இடத்தில் உள்ளது விபரத்தை கொடுக்கும். இந்த தகவல்களை கொண்டுதான் விளம்பரங்களும் கிடைக்கும். இது சம்பந்தமாக பாலிமர் டிவி சில முறைகேடுகளில் ஈடுபட்டதாக ஆதாரத்துடன் கூறி TAM நிறுவனம் வாழ்நாள் தடை விதிக்கவுள்ளதாக தெரிகிறது.

இரண்டு வருடங்களுக்கு முன்பும் இதுபோல் முறைகேடுகளில் சேனல் ஈடுபட்டதாக கூறி அப்போது பெனால்டி எனப்படும் அளவில் அபராதம் விதிக்கபட்டு மறுபடியும் பட்டியலில் சேர்த்துகொள்ளபட்டது. இந்த முறை சில சீரியசான முறைகேடுகள் கண்டுபிடிக்கபட்டுள்ளதால் வாழ்நாள் தடை ஏற்படுத்தபடும் என தகவல் கிடைத்துள்ளது.

முறைகேடுகளுக்காக மூன்று நாள் நோட்டீஸ் இன்றுடன் முடிவடையும் நிலையில் பெரும் அபராதத்துடன் பிராது முடியுமா அல்லது தடை போடப்படுமா என பொறுத்திருந்து பார்ப்போம்.